მეფუტკრეობის პროდუქტები
ყვავილის მტვერი - ფუტკრის ფეხგუნდა
ყვავილის მტვერი (იგივე ფუტკრის ფეხგუნდა) არის უნიკალური ვიტამინური კომპლექსი, რომელიც შეიცავს ყველა ცნობილ ვიტამინს, აგრეთვე ყველა სასიცოცხლო მნიშვნელობის მიკროელემენტს. შეიცავს 50 ბიოლოგიურად აქტიურ ნაერთს, ამის გარდა ის შეიცავს 240 ნივთიერებას, რომელიც აუცილებელია საციცოცხლო მნიშვნელობის ფიზიოლოგიური პროცესებისათვის. მასში არის 27 მიკროელემენტი(განსაკუთრებით დიდი რაოდენობითაა K,ამის გარდა Fe, Cu, Co(კობალტი), Ca, P (ფოსფორი), Mn(მაგნიუმი), Zn(თუთია), სელენი და სხვა). მდიდარია კაროტინოიდებით (პროვიტამინ A), B ჯგუფის ვიტამინებით. ბევრია რუტინი, ბევრია ფერმენტები. კომპანიის მეცნიერების მიერ აღმოჩენილია დნმ–მარედუცირებელი ნუკლეაზა. ყვავილის მტვერი ხელს უწყობს ჩვენს ორგანიზმში საკუთარი ინტერფერონის გამოყოფას (ვირუსული და ონკოლოგიური დაავადებების პროფილაქტიკა)
100 გრამი ყვავილის მტვრის დაახლოვებითი შემადგენლობა: წყალი: 21,3 – 30,0 გრ მშრალი ნივთიერება: 70,0 – 81,7 გრ ცილა (პროტეინი) – 7,0 – 36,7 გრ ნახშირწყლები: 20,0 – 38,8 გრ; მათ რიცხვში: ლიპიდები: 1,38 – 20,0 ყვავილის მტვრის ცილას, შეუცვლელი ამინომჟავების შემცველობით, მეტი ღირებულება აქვს, ვიდრე რძის ცილას. ცილით ყველაზე მდიდარია ვარდის, ქლიავის, მდოგვის, ტირიფის ყვავილის ცილა. 100 გრ ცილა ამინომჟავების შემადგენლობით უტოლდება 500 გრ ძროხის ხორცს ან 7 ქათმის კვერცხს. ლიპიდების სახით ყვავილის მტვერი შეიცავს ფოსფოლიპიდებს, ფიგოსტერინებს და სხვ. წიწიბურას ყვავილის მტვერი შეიცავს არაქნოიდის მჟავას, რომელიც გვხვდება მხოლოდ ცხოველური წარმოშობის ცხიმებში. ცხიმებით მდიდარია ბაბუაწვერას ყვავილი. ლინოლინის და არაქნოიდის ჟავებს გააჩნია F- ვიტამინური აქტივობა, ადამიანის ორგანიზმში არეგულირებენ ჰორმონალურ პროცესებს, ამცირებენ სისხლში ქოლესტერინის რაოდენობას და ხელს უწყობენ მის გამოდევნას ორგანიზმიდან. ფოსფოლიპიდები არეგულირებენ ნივთიერებათა ცვლას. ფიტოსტერინები ეწინააღმდეგებიან ათეროსკლეროზს.
30გ (1 ჩ.კ.) ყვავილის მტვერი აკმაყოფილებს ძირითადი ვიტამინების, ცილების და მიკროელემენტების დღეღამურ მოთხოვნილებას.
ყვავილის მტვერი – ეს მცენარეების მამრობითი უჯრედებია, რომლებიც იმპულსს აძლევენ ახალი სიცოცხლის ჩასახვას: ყვავილის მტვრის უნიკალური ბიოლოგიური აქტიურობის მეშვეობით უფერული ბუტკოს დინგი ხასხასა წითელ კენკრად, მზეზე მოელვარე მწიფე ვაშლად ან თუნდაც უზარმაზარ ნარინჯისფერ ფორთოხლად გარდაიქმნება. არაფერი, რომ არ ვთქვათ ნესვებზე და საზამთროებზე – ისინიც ხომ გემრიელ, წვნიან გიგანტებად ყვავილის მტვრის მეშვეობით გადაიქცნენ. წარმოდგენაც კი ძნელია, თუ რა ძალისა და სიძლიერის მატარებელია ყვავილის მტვრის უჯრედები, თუ როგორ საოცარ გარდაქმნებს უზრუნველყოფენ ისინი!
ყველაფერი ეს არასდროს ყოფილა საიდუმლო - ადამიანებმა მხოლოდ ეხლახანს იპოვეს ეს საოცრება, ფუტკრებმა კი, 200 მილონი წელია რაც ყვავილის მტვერი ჩართეს თავიანთი შთამომავლობის რაციონის ძირითად ელემენტად!
ყვავილის მტვერი – ბუნებრივი კონცენტრატია, რომელიც მრავალ ვიტამინს, ცილებს, ძვირფას მინერალურ ნივთიერებებს. მიკროელემენტებსა და შეუცვლელ ამინომჟავებს შეიცავს. ამინომჟავების საერთო შემადგენლობით, ყვავილის მტვერი 5–6ჯერ აღემატება ისეთ მდიდარ ცილოვან პროდუქტებს, როგორიცაა: ხორცი, რძე და კვერცხი.
ყვავილის მტვრის მეშვეობით გუშინდელი ფუტკრის ჭუპრი სულ რამოდენიმე დღეში ზრდასრულ არსებად გადაიქცევა და ყველა სანერწყვე ჯირკვალი უყალიბდება. ასევე ის არის ნედლეული ჭეოსთვის. შეიძლება ითქვას, რომ ყვავილის მტვერი (ან, უფრო ზუსტად რომ ვთქვათ, ფუტკრის ფეხგუნდა) – მოცულობით მეორეა და მნიშვნელობით პირველი ფუტკართა კვებაში! რა გასაკვირია, რომ ფუტკრები ამდენ ენერგიას ხარჯავენ სიცოცხლისთვის აუცილებელი, შეუფასებელი და სრულყოფილი საკვების, ყვავილის მტვრის შენახვისთვის.